Ni tin ka fiah

Phuahtu: Jonathan Lianhna

Satu: Jonathan Lianhna

To thli-ah pawh sirva an beidawng lo,

Tur ni chhuak a, van zawl an mawi ang hian;

Harsatnate'n thlipui iang min nuai paw'n,

Ka himna bu Lal Isua'n min chelh thin.

Ka nun chhung ril berah hian maw, i thatzia ka fiah thin,

Ka kawng engkim hi min hruai a, hai rual an ni lo va;

Hmangaihna tawpkhawkin min hmangaih tih ka hria, hei hi ni tin ka fiah.

Riakmaw valeng vaih ni nei mah hian maw,

Thingthiang tawngin chawlh nan a hmang ang hian;

Hahchawlhna zawng lung vai thin thinlung hi,

Englai pawhin Lal Isua'n min lawm thin.

Sam zai khat pawh hmangaih lo va chhiartu hian,

Ka nun laril ngaihtuah zawng zawng a hria;

Sawi chhuah tlak loh sitawm lai ber nen lam,

Hre vek chungin min hmangaih bang si lo.