Van hmun nuam

Phuahtu: Thawhlehnaniropuia

Satu: Thawhlehnaniropuia

Hringnun hi ti hian ka dawn ve thin a,

Hlim ni leh lawm nite kan tawng a;

Mah se, kan hlimnate chuan chuai ni an nei thin a,

Kan hlim leh lawmnate chu lungngaihnain a thlak a,

Mittui fara tah chang lah a tam.

Mangan, beidawnna hmun atang hian

Lalpa, nang chu kan beiseina i ni;

He leiah duhsam kim lo mah se,

Van hmun nuam kan thlen ve hun chuan,

Kan tah mittui a hul ve tawh ang.

Mite hriatpui loh hian kan tan ve fo va,

Thinlungnain kan rum ve thin bawk a;

Pawnlam lan danah hlim hmel kan chhuah a,

Mah se, chhungril erawh hliam tuarin a rum a,

Hei hi a ni kan hringnun her dan chu.

Lalpaah kan beiseina a thamral dawn lo,

Kan tawngtai ang a, Lalpa kan dil zel dawn;

A chhannate chu hmu nghal lo mah ila,

Kan beidawng dawn lo, Lalpa kan dawr zel dawn,

Rei deuh mah se, min chhang dawn ka hria.