Min hmang ang che

Phuahtu: Rev. K Lalpiangthara
Thluk siamtu: El-Bethela
Satu: Bawngkawn Pastor Bial Zaipawl

Chapo leh uanna silhfen te in belin,
I rawngbawlna kawrah ka hmang thin a;
I tan hian a tawk lo, aw! ka buai leh thin,
I khawih nawn ngai misual ka lo ni e,

Misual hel hmang luhlul Jona iangin,
Ka vak bo thin khawvel tuipui zauvaha hian;
Ka dil loh zawk malsawmna chu,
Nunthar, tawng thar min petu a lo ni e.

Tahna ruam thukte min zawh tir lo la chuan,
Sawi tur lawmmna reng aw! ka nei lovang;
Tuarna phena malsawmna lo awm reng chu,
Min hmuh fiah tir ka tan a va hlu em!

I thu ruat te ka zir fo theihna turin,
Tih hrehawma ka awm a lo tha si;
Rangkachak leh tangka ro sum te aiin,
I dan chhuak chu ka tan a lo tha si.

Ka hmangaih ber a che, aw! ka Lal Isu,
I maicham dawhkan mei mit lo a tan;
Ka taksa rimtuiah aw! ka rawn hlan e,
Min hmang ang che thlarau bo hruai turin.