Ka kal ngam lo

Phuahtu: Rev. Vanlalsipaia
Satu: H Zosangliani

Lal Imanuel, lo hnai leh rawh,
Lungngai mittui tla chung zelin ka rawn pan che,
Sual ral lianin ka kawng min hliah,
I hmel eng reng ka thlir phak lo,
Ka hlimna par mawi a lo chuai zo ta.

Ka kal ngam lo, ka pen ngam lo, I tel lo chuan,
Sualna tuifawnin min len vel si,
Ka himna leh lawmna Lal duhawm,
Aw, lo eng la, aw, lo hnai rawh.

Thlemtu chuan khawvel par mawina te,
A ropuina leh sanna te min thlir tir a;
"Bawkkhupin chibai min buk la,
Heng zawng zawng hi ka pe ang che,
Ka hnenah lo kir rawh," tiin min ko.

Ka zui lo thei si lo che a,
Nang phatsana nawmchenna ruama tluk ai chuan;
I mite nen hrehawm tuara,
Hmun khawhara awm ka thlang zawk,
Ka hmangaih Lalpa, min thlamuan ang che.