A lalna chatuanin a zual zel ang

Phuahtu: Lalhleia

A lalna chatuanin a zual zel ang,
A hausakna a kin lo vang;
Khawvel a mawina leh,
A ropuinate a ral ang.

He khawvel hi ral mah sela,
Lalpa'n ka tan hmun a buatsaih;
Lenrual duh leh angel var rualte nen,
Khawvel ngai lo a kan lenna.

He khawvel piah chatuan hmunah chuan,
Zawlnei, Martar, Angel var nen;
An phaiphuleng ri aw mawi nen,
An Lalpa hming an fak.

Chhandamtu leh Angel var an lenna,
Aw, ka ngai e, then loh ram khi;
Khawvelah hian lungngaih hrehawm,
Tahna kan tuar leh thin.

Zaiin i fak ang u kan Lalpa chu,
Khawvel zawng hi ral mah sela;
Chatuan thlengin fakna hla hian,
Ral ni a nei lo vang.