Phuahtu: Saihnuna
Thihna Jordan kamah lungngaihin thla a zar,
Buaina chhum a zing, khua a thim e, Lalpa;
Ka hmaah lo eng leh ang che,
Aw, Thlarau ka lawmna ber.
Nang lo chuan tlai nilen a har e, Lalpa,
Eden hlui tuala lengte hian;
Kan au Lal nunnem mi hruaitu,
I zar mawi a len ka nuam ve tawh e.
Lawmna kawl eng tur chu tapin ka thlir nileng,
Hmuh ni awm ang maw ngaih a na e, Lalpa;
Ka tan khua var tir leh ang che,
Aw, tah lai ka bang ve tawh ang.
Ka chenna tur ram nuam ka ngai khawvelah hian,
Tah chuan Lal nunnem par tlanin zai an sa;
Bang lovin Saron par an thliak,
Ka thlir lungngaih hnuaiah hian.
28 Jul 2023
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: