Aw ka chenna he lei hmun hi

Phuahtu: Ziakkawia
Satu: Chhingchhip Pastor Bial Zaipawl, Biate Khawhar zai, Janet Lalmuansangi, Lalthazuali (Thatei),  North Mizoram District PYD Choir (2010-11), K Lalkhumtiri, Rebek Vanlalnunpuii,

Aw ka chenna he lei hmun hi,
Thlaler ram ro lungngaihna chauh;
Khilamah khian ka la leng ang,
Beram No Isua hnenah chuan;
Ka chenna tur, aw, ka ram khi,
Ka ngai e lungduh an lenna,
Thlir zel ila tlante,
An zalenna ram nuam chu.

Ka tum, ka ram, ka chenna tur,
Leiah rethei mah ilangin;
Ka Chhandamtu'n retheite tan,
Lawmna tuikhur hlu a hawng ang.

Aw ka tlantu, i tuarna chu,
Hmangaihin hmu chiang thei ilang;
Engkima ka engkim i ni,
Ka thlarau tan engkim i ni;
Rangkachak tual nuama leng tur,
I tuarnain a man tawk e;
Aw, min hmangaihna a lo ni,
Kei mi rethei tan.

Aw Lal Isu, hmu thei ila,
Lungduh zawng tual an lenna chu;
Kalvaria hmangaihna zarah,
Chi tin hnam tinte an lengza;
Kei pawh i retheihna zarah,
Thlaler ram ro ka chhuahsan ang;
Aw ka Lalpa, min hruai ang che,
Hmangaihna ramah.

Khawvel a ropui leh lawmna,
A ral zel ang a mawina nen;
Chhandamtu kiangah ka leng ang,
A ropuina zam velah chuan;
Lei lawmnate ka ngai lo vang;
Tin, a hmangaih chungah chuanin,
Chatuan lawm hla kan sa tawh ang,
Beram No hmaah.