Ka nghakhlel Zion khawpui thar

Phuahtu: Hleia
Satu: Thangbuaia C Lalrinfeli (Apuii), Fredy Lalruatsanga, Lalremliani Hnamte, Lalramchana (Rc-a), Art & Culture Dept Zaipawl

Ka nghakhlel Zion khawpui thar,
Lal lenna van ram ropui;
Lunglen changin ka thlir fo thin,
Lei hrehawm hnutiang chhawnin.

Aw, ram thianghlim nunna ram eng,
Lalna ram mawi hmuh ka nuam e;
Ka thlen hma chuan aw Lal nunnem,
Thlah lovin min hruai zel ang che.

Chungtiangah lengin thla an zar,
Natna leh lungngaihnate'n;
Thihna tlang chhipa chuang kan ni,
Nunna ram i thlir ang u.

Dam lai khawvel hi thlir teh u,
Lungngaih chhum a zing fo thin;
Lei ram pela nun thar ngaiin,
Ka tap Lal nunnem hmaah.

Fam ngaih min hnem ang che, Lalpa,
Thihna fate kan lawm nan;
Fam ngaih lenkawl a thiang zo ta,
Zion ram i thlir ang u.