Khawi lam mi nge hmanah heng hi

Phuahtu: Hrawva

Khawi lam mi nge hmanah heng hi,
Tunah puan ropui nen;
Engtinnge chatuan hmun nuam hi,
An lo thlen theih ni le?

Hrehawm tinreng tuar tawh hnute,
Eng ram lo thleng an ni;
An puan eng ropui varnate,
Beram No thisenin.

Enteh lawmna tumkau chawiin,
Van lalthutthleng hmaan;
Hmangaih Pa Pathian rawngbawlin,
Van ram ropui hmunah.

Riltam tuihal a awm tawh lo'ng,
Ni sa tuar tawh lovin;
Pa Pathian ni a'n a eng ang,
Chatuan hlimna engin.

Beram No Lalthutthleng hmaa'n,
An belh Lal ropui chuan;
Van thil duh tinkim lo hlanin,
An hruaitu a ni ang.

Ram hmun hring cham chunga lengin,
Nunna tui thiang karah;
Hmana tuarna lungchhiat mittui,
Lalpa'n a hru fai ang.

Pa, Fapa leh Thlarau Thianghlim,
Kan biak lai kan Pathian;
Ropuina hman angin tunah,
Chatuanin chang rawh se.