Ka nghah Zion ni lo eng tawh rawh

Satu: Phulpui Khawhar in zai

Ka nghah Zion ni lo eng tawh rawh,
Ka nghahlel e lei thim hnuaiah hian;
Buaina zawng hi lo kiang tawh se,
Engthawlna Zionah kan leng tawh ang.

Aw, lo eng rawh hmangaih Lal Imanuel,
Kan nghakhlel e Zion fate'n;
Kalvaria hnehna ni ropuiah chuan,
Lungrual taka kan len hun tur.

Then lohna Zion khawpuiah chuan,
Engtikah nge lungduhte nen;
Chatuana kan len hun tur,
Ngaiin ka rum khawvelah hian.

Serafim tlang thianghlima lengte,
An ngai lo ve chulhnu he lei hi;
Chatuan hla mawi an rem e,
An nghakhlel e, lungduhte kimna ram mawi chu.

Aw, hmangaih lenrual lungduhte u,
I pan zel ang u Edenthar hi;
Kan thlen hun chuan lawm a kim ang a,
Thenna reng hi a awm tawh lo'ng.