A thar zel thin

Phuahtu: Laltlandika Ralte (Jima)

Satu: TBC LDA

A pawi em mai, ka lo tawn che, bawihte,

Ka tan hianin i rem ve si lo maw?

Beiseina vanduaiin maw ka lo tawn che,

Hmangaih biahthu tinkim min hlan ve la,

Suihlung ka dam ve nan.

A thar zel thin nang ngaih lai hi,

Zantlaiah kai ka nuam inrunsangah ngei;

Hmangaih biahthu hril dun ka nuam ngei e,

I thinlung kawngkhar ka tan lo hawng ve la,

Suihlung ka dam ve nan.

Hun leh nite lo inher liam zelin,

Kumpuisul tam pawh lo vei thin mah se;

Hmangaihna chuai lo itan ka rawn hlan che,

Ai ang i cham reng ka dawnlungrukah,

Nemte'n min chhang ve la.

Ka thinlaiah i hlui thei dawn si lo,

Engtin tuar zelin maw i zun ngaih hi;

Thinlai luahtu ber i kianga awm reng hi,

Ka ning thei dawn lo, kumtluang chen pawhin,

A rem ve mai lo'm ni?