Hnam zawng zawng te u

Phuahtu: Laldingliana Sailo

Satu: Ephatha Female Voice

Ngai r'u, moneitu a lo kal thuai dawn,

Van serafim leng rual leh tlansate'n;

Ngaiin an thlir mek e, lawm hla nen riin,

"Lo kal tur chu a ropui e," tiin.

Hnam zawng zawngte hian hre ve mawlh se,

Puan ropui sina lo kal tura chu;

Van sang atangin tawtawrawt ri nen,

Ropui takin a lo kal thuai dawn si.

Chutih hunah chuan pa leh fapa leh,

Nu leh fa te leh mo leh moneitu;

Lak hranin an awm dawn, a rapthlak e,

Thim lal hnuaiah lo kun thinte an ni.

Hun tha leh lawmawm kan neih lai hianin,

Sawi tur eng nge awm, tlai luat a awm thei;

Lei sual pu taksa a anpuia siam hian,

Gehena chu pumpelh ngei se a ti.

A thihna zara nun thar nei turin,

Duh te'n min duang e, hringfa zaleng te;

Chatuan tlang pelh hun chuan kan lawm za ang,

Lalthutthleng var huala han leng turin.