Ngaihlai MK

Phuahtu: John Mawitea & Mapuii Fanai

Satu: Lallawmawma

Tuara'n tuar tawk a awm thei dawn ne maw,

Chhungkim dar ang kan lenlai a;

Thlafam rihsang min kaisan ta mai hi,

Kan va tuar thiam lo em, theih se chelh din che kan nuam,

Mahse, awmlai lunglian hrang chu, pal ang kan dang zo si lo maw?

Hrilh kan hai, lunglam kan vai,

Kan run in sumtual rial a dai zo;

Kan ngaih che a bang dawn lo,

I chun leh zua, u leh nau, chinlai zawng te'n,

Nghilh ni reng kan nei dawn lo che, ngaihlai MK.

Kan phal lo che, kan phal thei mawlh si lo,

Ti maia rihsang kai tur chuan;

Hrum sawm lian awmlai lo hrang meuh chu,

A va lo na ngai em, kan hrai bung dawntuai ngaih kan bang lo,

Kan la tiam thei mawlh lo asin, luaithli nulin kan van ruai em e.

Sakhmel chul riaia piallei belin maw,

Chham ang i zal, lungril min fan;

I sul i hnu leh hlimthla kan thlir ning lo,

Hringmi tuara'n zawng e, lunglai min run fam ngaih chu,

Tapin kan au thin che asin, mahse, kir zai reng hi i rel si lo.

Damna run sang kan kai i dam nan chuan,

Kan neih zawng pawh kan ui si lo;

Mahse, i tan damna a tling zo si lo,

Dawn loh lamtluangah maw min ngai lo te'n tuan i tul tak le,

Nakin chatuan khua var hun chuan Lalpa kiangah hlim te'n kan leng za leh ang.