Ka tlang che

Phuahtu: C Lallianthanga

Thluk siamtu: T Laldintluanga

Satu: Darlung Pastor Bial Zaipawl 2024-2026

Thihna lamtluang ka zawh, beidawngin ka rum thin,

Ka nunna Krista ka tlang thei lo;

Ka duhthlanna ngei pawh salah a tang ta si,

Mitvarna ka ngai, thlarau mitvarna chu.

Aw Krista, ka duhthlanna tinung leh rawh,

Nang lo chu thlan tur hlu a awm lo;

Ka thlang che khawvel thil hlu te ai paw'n,

Ka thinlung Lal atan ka thlang che.

Ka lawm zawng leh ka duh zawngte hi ka tan hian,

Thihna tur a ni ka hrechhuak ta;

Ka tahna hi van rohlu ka neihna a ni,

Chu ngei chu ka thlang, rohlu ber a ni si.

Krista ka neihna tur chuan ka thil duh zawng leh,

Ka chak zawng thilte ka hal ral ang;

Ka hlimna thuruk chu Kristaah a awm si,

Ka phum ang khawvel damlai ropuinate.

Tehna zawng zawng pawha teh sen loh hmangaihna,

Ka hmuta Krista thisenah chuan;

Khawngaihna duhawm chu kan chanvo a ni ta,

Chhuina zawng zawnga chhui sen rual loh a ni.