Lei hringnun hi ka dawn changin

Phuahtu: H Thangluaia (Lawngtlai)

Satu: Kolasib Tumpui Kohhran Pavalai Pawl

Lei hringnun ka dawn changin,

Lungngaia tahna mai a ni;

Nitin buaina chhum lo zingin,

Lungngaihnain min tuam vel a,

Mahse, hmangaihtu Lal hnenah chuan,

Lungngaih, tahna a awm lo ve.

Ka Chhandamtu hmun buatsaih chu,

Ka pan zel dawn chatuan in mawi chu;

Angel var leh mi thianghlimte,

An lenna ram nuam khawpui mawi chu.

Nakinah khua a var hun chuan,

Lei hringnun hi ka pel tawh ang;

Lungngaih, hrehawm tuar tawh lo vin,

Mittui tlak lohna ramah chuan,

Angel dungthula hla mawi sain,

Chatuan Lalpa ka fak tawh ang.

Ka lei taksa hi lo chauvin,

Chak lohnain nuai vel mah se;

Ka thlarau nunna erawh chu,

Nitin siamtharin a awm si,

Lalpa khawngaihna ka chan zawng hi,

Ka chhiar seng lo, a thar zel thin.