Khawpui

Phuahtu: Linda Laldinthari Chhakchhuak

Satu: Gospel Lalramhmangaihi

Kan khualzinna ramah hian lei danin, aw, hmangaihte, 

Lo inthen rih mah ila, van hmun nuam thlen hun chuan;

Then nan biahthu reng reng hi kan sawi leh tawh ngai lo vang,

Chutah lungduh zawng zawngte, aw,  kan kim tawh dawn sia.

Khawpui kan thlen hun chuan,

Ringtu zawng zawngte hi, aw, kan inthen tawh lo vang;

Engthawlna khawpui mawiah Lalnain ro a rel ang,

Rethei fate kan hlim tawh ang, a va nuam dawn em aw.

He khawvel hrehawmah hian hlimna reng ka hmu zo lo,

Zion khawpui mawiah chuanin chatuanin kan leng ang;

He khawvel hi zawng tapa inthenna ram mai a ni,

Kan ngai lo vang lei hrehawm hi Zion khawpuiah chuan.

Min hruaina tel lo chuan he khawvel hrehawmah hian,

Ka ngui, kan chau, kan rum a, aw, i hmel min hmuh tir la;

Kan lamah beng lo chhi la, kan chungah ban rawn phar rawh,

Mi hmangaih hmel kan hmuh theih nan thlarau vin min thuam rawh.