Ringtu nun

Phuahtu: Laldinthara

Satu: Celestina Vanlalhriatpuii

Harsatna tawk lo ringtu an awm thei em? 

Thlemna tawk lo ringtu an awm ngai em? 

Beiseina nei lo ringtu nun an awm ka ring lo,

Tuarnaah pawh chhelna petu awm reng thin,

Engkim tana hun ruat lo thleng fo thin chu.

Ringlo mite neih loh beiseina nung petu,

I dai hmasak ka hriatreng thin avangin, Isu;

Min ti chak leh thin, he nun beidawng hi,

Ka fiah leh thin he hringnun zinkawngah hian.

I malsawm ka dawn fo leh ka hriatreng thin,

Nang fak thei a min siam i nihna ropui zia hi;

Pek let tur nei lo mahni tana dil reng thin nun,

Chapona tlang atanga hnuailam thlirtu nun hian,

A malsawmna dawng turin tlawm hmasak a tul.

Fiahnaah rinawmna leh beiseina a keng tel,

Mahni rin dan a kal ringtu kan va tam em;

He nun hian rinna fiahna a hmachhawn thei lo,

Thlamuanna awm reng thin nun Kristaah chauh,

Fiahna hmachhawn ringtu nun a hum tel thin.