Siamtu ropuina

Phuahtu: Lallawmzuali

Thluk siamtu: Lalthlanawma

Satu: Lalthlanawma

Siamtu themtiam an puang thilsiam ten,

Thing leh thlai tinrêng ṭhanlen dân te;

Pâr mawi tin leh rah hrang an chhuahte,

An mâwi ngei, Siamtu duan dân an târ lang.

Hringmi duan dân han rilzia te,

Hmêl leh pianzia râng thuhmun awm lo;

Engtin hrilh maw hringfate hian,

Chhui sên rual loh Siamtu ropuina hi.

Engkim siamtu, ril leh ropui chu,

I thilsiam dangten thiam tâwkin an hril;

Hringfaten kan châwimâwi zo mawlh lo,

Kan theihna zawnga fak tur kan ni si.

Chunglêng hrâm thiam sîrva tinrêng,

Bu hrang tin an chheh dân han thlirin;

A ṭha chuang ngei an thiam an finna,

Siamtu ropuiin a duang thiam ngei mai.

Hnuailêng tinrêng riah bûk sual dân te,

Thlir vêl hian khawia ta thiamna nge?

Awrâwl, chezia-in an in chhâwn,

Aw, Siamtu theihna pêk a va sâng em!