Fak rawh u

Phuahtu: Lalnunpuia Hrahsel

Satu: J Lalrosanga

Vante khi a siam a ni,

Boruak leh chhemdam thlifim;

Siar leh chhawrthlapui pawh,

Thlasik kawng, zangkhuate khi,

A kutchhuak vek an ni e.

Fak rawh u, Pathian ropui,

Fak rawh u, Siamtu ropui;

I fak ang, Tlantu ropui.

Khawmual hi a siam a ni,

Tui thuk leh tlang sangte pawh;

Sirva leh romei tlang bawm,

Suanglungpui, kawr ruamte pawh,

A kutchhuak vek an ni e.

Hringmi hi a siam kan ni,

Finna leh thiamnate pawh;

Ka peng tin a siam a ni,

Thisena tlan kan ni a,

Pathian fa hmangaih ka ni.

Aw rawl sang pawh nei ila,

I tan vek ka hlan leh ang,

Fak rawh u, Pathian ropui,

Fak rawh u, Siamtu ropui;

I fak ang, Tlantu ropui, Amen!