Nang ngei hi

Phuahtu: Maruati Hnamte (H Lalremruati)

Satu: Maruati Hnamte (H Lalremruati)

Thinlung hliama rumin,

Hmangaih lenrualte thlamuannate;

Dam thlakhlelhnain damtu ka zawng ruai a,

Hlimna Krista ka tan i lo awm si.

Ka thinlung zawn fo thin hlimna chu,

Nang ngei hi i ni Lalpa;

Ka thinlung zawn fo thin muanna chu,

Ka Pa, nang ngei hi,

Ka Pa, nang ngei hi i lo ni si.

Damchhung khawsak lungkham,

Buai, manganna lo thlen changin;

Hnem beiseina nen hnemtu ka au ruai a,

Ka lungmuantu ka tan i lo awm si.

Zan thim lungngaih hmunah,

Tah, rum, mittui sen lo thlen changin;

Hmangaih aw nem ka tan i dam diai thin a,

Ka thla muangin i hnen a chawl leh thin.