Kan tho leh dawn

Phuahtu: Lalnunpuia Hrahsel

Satu: Isaac Hnamte

Isua chu thihna leh thawhlehna Lal a ni,

Amah chu hmangaihna a khat a ni a;

Thihna fate nunna turin a thi a,

Kan thawhlehna hmahruaitu a lo ni ta.

Kan tho leh dawn, kan tho leh dawn,

Thihna hneha tho leh Isua Krista iangin;

He tawih thei hi tawih thei lo va thoin,

Thawhlehna ni ropui takah kan tho leh dawn.

Zirtirte hnenah Isua a inlar angin,

Thlarauvin kan hnenah a inpuang thin a;

Kumkhua thlenga kan hnena awm zel min tiam,

Nitin thawh leh nun tawmpuitute kan ni e.

Isua thlan ruak angin kan thlan a la ruak ang,

Krista nun thuhrukte kan ni si a;

Chatuan mi ni turin kan tho leh dawn e,

Thawhlehna Lalpa chu fakin awm rawh se.

He leia kan in hi thiahin awm mah sela,

Vanah in kuta sak loh kan nei si a;

Van nuamah Tlantu faka zaiin,

Thihna thihna hmunah kan cheng ang.