Thinlung chabi

Phuahtu: Lalnunpuia Hrahsel

Satu: Maruati Hnamte (H Lalremruati)

Suih loh tur zawk ka suih zawm fo thin a,

Zawm loh tur suihlung ka rual pui zel a;

Vanah rah ang, lawh tur awm lo, a tawpah chuan,

Thawnthu lungchhiat thlakin min tlak leh si thin a.

Ka thinlung chabi i tan ka hlan,

Hawng la, luah la, i ropui nan;

Khawngaih takin hawisan suh la,

Riah ruh vai he thinlung hi,

I tan chauh ka hlan e, Lalpa.

Nang hlatah awm thin mah ila,

He thinlung chhung ril hian a hlat thei lo che;

Ka nui phenah thinlung khawhar a riak reng si,

Len pui loh khawhar run iang khua a har thin a.

Ka marphu tak ngial pawn a phu lo che,

Ka duhawmna ber pawh duh tlak lo mah se,

Ka ngen nawn leh hram dawn che vawi khat tal chauh aw,

I tel lo chuan ka dam zo lo vang, min khawngaih rawh.

Ka hringnun phek tinah i tel zel ang,

Thawnthu lungchhiatthlak thlak danglamtu;

Ka hmangaih reng tawh ang che.