A hriatpui che

Phuahtu: Lalnunpuia Hrahsel

Satu: Zoramchhani

Lungngaihnain a bawh che a,

Kal ngaihna i hre lo ti raw?

I hmangaih berin a kalsan che a,

A thinlungah paih chhuahin i awm maw,

Ka hriatthiampui che i natna hi,

Keipawh i dinhmun ang chiah hian,

Hnawl leh phatsan hnu ka ni asin,

Mah se, khawdur lo thleng hian,

Tui tam tak a pai tel thin a,

Leilung leh nung tinreng tan,

Malsawmna a keng tel thin angin,

I mittui hi malsawmin a la awm ngei ang.

I hlutna kiamin i hria a,

Tidamtu i mamawh ti raw?

Laikhum zalin mut reng a chhuak si lo,

Vanduai tura khuranu ruat em ka nih?

Tiin zawhna chhiar sen loh i nei em?

Tuan rel turin laitha a zam lo,

Nun hian awmzia reng a nei mawlh lo,

Mah se, lo nghak hram hram la,

Nangmah anga hnawl hnu Isuan,

I thatna tur a hria a,

A awm nghengin bik nan hmang tlat la,

Lungngaihna ruamah tuihna thar a pe ang che.