Lungduh inthenna he lei ram hi

Phuahtu: K Lalthanzama

Satu: Dam Veng Kohhran Pavalai Pawl (2025)

Lungduh inthenna he lei ram hi,

Ka zinna mai a lo ni e;

Hlimin kan Lal fak thin mah ila,

Kan inthen leh thin lungduhte.

Chhandamtu hmel hmuh hmasak ka duh e,

Nunna Lallukhum leh thildang zawng ai pawhin;

Aw, a hmel lawmawm ka hmuh hunah chuan,

A angchhung muannah ka chawl tawh ang.

Lenrual duhte nen kan inthen hian,

Min ngaih tir thin ka van in khi;

Lawm hla sain Angel varte nen,

Then lo va, aw, kan len hun tur.

Khaw thianghlim leh Seraf zingah pawh,

Ka Tlantu hmel ka duh ber fo;

Mittui tlaa ka then hnute nen,

Lawm takin awm dawn mah ila.

Khawvel hrehawm hi kan pelh hun chuan,

Kan chatuan hun kan thleng tawh ang;

Beramno thisena bual te chauh,

A engah kan intawk leh ang.