Mamawhtu tawngtaina

Phuahtu: Lalnunpuia Hrahsel

Satu: Maria Lalmuanpuii

Lalpa, kei zawng kalsan tlak ka awm lo ve,

An sawi pahmei palchawi ang mai ka ni;

Ka chak lo em a, ka chak lo leh mai thin,

I tel lo chuan chhum iang ka zam ral mai awm e.

Ka mamawh che, ka mamawh bik che Lalpa,

Ka kiangah i awm reng thei lo'm ni?

Nang lo chuan e, ka dam zo ve lo vang,

I tel lo chuan ka nun hi bial mai a ni.

He saltang nun hi thlakhlelh tlak a awm lo,

Kristian hremhmun kawng zawh ang chauh ka ni;

Ka ti lungngai fo thin che tih pawh ka hria e,

Mah se, ka ko lo thei lo che, Lalpa.

Ka hlutna hian hlutna a nei tawh lo ve,

Rawng ni lo ak zathnih ang chauh ka ni;

I lakah hian ka pangchan ngawt mai loh chuan,

Tu hnenah nge ka kal chuan ang Lalpa?

Ka mamawh che, ka mamawh bik che Lalpa,

Ka kiangah i awm reng thei lo'm ni?

Nang lo chuan e, ka dam zo ve lo vang,

I tel lo chuan ka nun hi bial mai a ni,

I tel lo chuan ka nun hian awmzia a nei lo,

Bial mai a ni.